Commuted Leave

കമ്മ്യൂട്ടഡ് ലീവ് ഒരു സ്വാഭാവിക അവധിയാണ് (Ordinary Leave); ഇത് അർദ്ധ വേതന അവധിയുടെ (Half Pay Leave) ഒരു വകഭേദമാണ്.

കമ്മ്യൂട്ടഡ് ലീവ് എടുക്കുവാൻ ഒരാൾക്ക് 3 വർഷം എങ്കിലും സേവനകാലം (service) ഉണ്ടായിരിക്കേണ്ടതാണ്. അതേ പോലെ തന്നെ പ്രൊബേഷൻ (probation) കാലാവധി കഴിഞ്ഞിരിക്കുകയും വേണം.

രണ്ട് പകുതി ശമ്പളത്തോടു കൂടിയ അവധിയെ, ഒരു മുഴുവൻ ശമ്പളത്തോടു കൂടിയ അവധിയാക്കി മാറ്റുന്നതിനെ ആണ് "ലീവ് കമ്മ്യൂട്ട് ചെയ്യുക" എന്ന് പറയുന്നത്.

1 Commuted Leave = 2 Half Pay leave.

ഒരാളുടെ ലീവ് അക്കൗണ്ടിലുള്ള എത്ര വേണമെങ്കിലും അർദ്ധ വേതന അവധിയെ, ഈ രീതിയിൽ മുഴുവൻ ശമ്പളം കിട്ടുന്ന അവധിയാക്കി മാറ്റി എടുക്കുവാൻ സാധിക്കുന്നതാണ്.

എത്ര കമ്മ്യൂട്ടഡ് ലീവ് എടുക്കുന്നുവോ, അതിനനുസരിച്ചു ഇരട്ടി ഹാഫ്-പേ ലീവ് അക്കൗണ്ടിൽ നിന്നും കുറവ് ചെയ്യപ്പെടുന്നതാണ്. രണ്ടു അർദ്ധവേതന അവധികൾ ചേർത്ത് ഉപയോഗിക്കുന്നതിനാൽ മുഴുവൻ ശമ്പളത്തിനും അർഹത ഉണ്ടായിരിക്കുന്നതാണ്. എന്നാൽ അലവൻസുകൾക്ക് പരമാവധി 180 ദിവസം മാത്രമേ അർഹതയുള്ളൂ.